من أجل مين؟ هموم باركة علي قلبنا.. ومش رحمانا
من أجل مين؟حزب خلاص شلنا.. سياساته مش عتقانا
من اجل مين؟ يتشفط دمنا ..ومنقدرش نقول اه يانا
من أجل مين؟ فلوسنا فبنوك سويسرا..جيوبنا فقرانة
من أجل مين؟ لطبقتين اتقسمنا..واحدة هايلايف..التانية عدمانة
من أجل مين؟ صوتنا جوانا اتكفن..اللي اتكلم بعتوه السلخانة
من أجل مين؟فساد عيني عينك..مش قادرين نفتح
من أجل مين؟ صحة بيني وبينك..محتاجة تتشرح
من أجل مين؟ تعليم خد عندك..راح الكباريه يتفسح
من أجل مين؟ امان..هات ودنك..بلاش فالكلام نفتح
من أجل مين؟ الانسب اللي يذلك..واللي يعكس..ليه نشرشح
من أجل مين؟ احط همي علي همك..في الدري نشتم ونقبح
من أجل مين؟هدمتي منظرها قيح..مهيتي شوية جنيهات
من أجل مين؟ الشريف..فيه ندبح..الحرامي بقي له كرامات
من أجل مين؟شباب عايش متهمش..عايش ياكل كرات
من أجل مين؟ ادارة.. قاعدين نلوش..لما بقت زبادي خلاط
من أجل مين؟ الادب..منعرفش انه..كان وفات ومات
لسان عايز قطعه
متحيروش نفسكو من أجلي أنا
جميلة اوي يا مصطفى
ردحذفسانكس اشرف
ردحذفاللهم ارحمنا واعفو عنا واغفر لنا .. كل ده بيحصل علشان الشعب ساكت لو شعبنا عارف يتكلم ويطالب بحقه مش هيحصل فينا كده
ردحذفالكلمات جميلة ورقيقة ولكن الفكرة أحسن ورائعة
ردحذفوياريت تزور مدونتي الصغيرة
www.tamerelsawy.blogspot.com